CroALa - Croatiae auctores Latini

Universitatis Zagrabiensis Facultas philosophica, Institutum philologiae classicae

Inscriptio (1557) et elegia (1560) de insula Tauride, versio electronicaBeccadelli, Lodovico 1501-1572. Giambattista Morandi, Giuseppe Tommasino (eds.) Hanc editionem electronicam curavit Neven Jovanović

Auctor: Beccadelli, Lodovico 1501-1572Editor: Giambattista Morandiand Giuseppe Tommasino2024-01-23

LUDOVICUS . BECCATELLUS . BONONIENSIS
ARCHIEPISCOPUS . RAGUSINUS
TAURIDIS . INSULAE . SALUBRITATE . ALLECTUS
ECCLESIAE . FUNDUM . SITU . FERME . OBDUCTUM
VITE . MULTIPLICI . CONSITA . EXHILARAVIT
SUOQUE . COMMODO . ET . SUCCESSORUM . CONSULENS
PRISCIS . AEDIBUS . RESTAURATIS . NOVAS
ADDIDIT . CUM . HORTO . ET . DUPLICI . CISTERNA
M. D. L. VII.
ANNO AB EJUS IN ILLYRICUM ADVENTU . II.

Quae mihi cum tenera primum lanugine malas
Vestirem, Musae, saepe tulistis opem,
Et cum praeruptos tentarem scandere montes
Pronam signastis qua decet ire viam,
Nunc mare sollicitum fugiens [fugientibus] annis
En iterum supplex limina vestra peto,
Ut ripa in viridi liceat subducere limbum
Mecum qui fluctus pertulit Illyricos.
Namque ego, quod spatii Parcae vitalia nentes
Stamina decrerunt mox superesse mihi,
Devoveo id vobis, iuxta haec vernantia prata
Quorum me posthac sedula cura premet.
Notae
1
XXVI. Memoria , che leggesi tutt' ora all' ingresso della Villa Giuppana edificata da Monsignor Lodovico Beccadelli.
CroALa domus 
Croatiae auctores Latini; Universitas Zagrabiensis, Facultas philosophica